MUKURWISA kubiwa kwemombe, varimi nevachenegeti
vazvipfuyo vanokurudzirwa kuti vasati vatora vashandi vebasa ngavashanyire mapurisa vabetserwe.
Muongororo dzakaitwa nebazi reZimbabwe Republic Police, dzimwe mhosva dzakawanda dzekubiwa kwemombe dziri kuparwa nevanhu vanosiiwa vakachengeta dzimba kana vanoenda kumafuro nemombe.
Vachitaura pagungano rekukurudzirwa kuchengetwa kwemombe kuGwaseche pamba paMambo Chilonga kuChiredzi, Officer Commanding Chiredzi District, Chief Superintendent Robert Chihwereva, vakati mushandi wega wega anofanira kuongororwa.
“Imwe yeongororo yakaitwa zvakaonekwa kuti pamwe pacho vashandi ndivo varikuba.
Tiri kuti mushandi ngaavhetwe kumapurisa kuti haasi mupari wemhosva here sezvo vamwe vachiuya sevanhu kwavo idzo dziri mbavha. Chenjererai.
“Kubva mwedzi waChivabvu muna 2022 kusvika munaKubvumbi 2023 kwakaparwa mhosva mazana matatu nemakumi matatanhatu (360).Tozoti pagore redu repiri kubva mwedzi waChivabvu muna 2023 kusvika muna Kubvumbi 2024 kwakaparwa mhosva mazana matatu nemakumi mana anenomwe (347) zvinotipa mutsauko wekudzika wemhosva gumi nenomwe, kureva zvikamu zvina kubva muzana.
Tikatarira kubva pane mhosva dzakaparwa mugore redu rino, tichaona kuti kwakasungwa vasungwa makumi
matanhatu nevana (64 ).”
Chief Sup Chihwereva vakakurudzira varimi kuti vagadzire mapoka ekurwisa mhosva dzekubiwa kwezvipfuwo anonzi Anti-Stock Theft Committees. Mapoka aya anoita kuti zvireruke kuvarimi kuti vasarambe vachirasikirwa nemombe dzavo.
“Sezvo mapurisa asiri pesepese, tikava
nemapoka aya muraini regarega vanotibetsera seziso remapurisa kuita kuti kubiwa kwezvipfuyo nekuparwa kwedzimwe mhosva kudzivirirwe.
https://www.facebook.com/share/p/V73FharNfG6dVEWn/?mibextid=oFDknk
https://chat.whatsapp.com/IA9Pwo0F4AQGsCUuGw8pPG
COMMENTS